नेपाल स्टक एक्सचेञ्ज (नेप्से) परिसूचक आज ३४.४२ अङ्कले बढेर २६९४.८२ बिन्दुमा पुग्न सफल भएको छ। यो वृद्धिदर एक दशमलव २९ प्रतिशत हो, जुन पछिल्लो समयको तुलनामा उल्लेखनीय मानिएको छ।
आजको कारोबारमा ३१७ कम्पनीका तीन करोड एक लाख ८२ हजार ३४१ कित्ता शेयर ८९ हजार ४६८ पटक खरिदबिक्री भएका छन्। कुल कारोबार रकम ९ अर्ब ७४ करोड ४८ लाख ४३ हजार ३७५ रुपैयाँ रहेको छ।
नेप्से सबै समूहमा हरियाली, जीवन बीमामा सबभन्दा बढी उकालो
आज सबै उपसमूहको परिसूचक सकारात्मक रह्यो। प्रमुख वृद्धिदर यसप्रकार छ:
-
जीवन बीमा समूह: २.८३%
-
निर्जीवन बीमा समूह: २.५१%
-
विकास बैंक समूह: २.३१%
-
बैंकिङ: १.३६%
-
वित्त: १.९९%
-
होटल तथा पर्यटन: ०.७१%
-
जलविद्युत्: ०.४७%
-
लगानी: १.०१%
-
उत्पादन तथा प्रशोधन: ०.६९%
-
लघुवित्त: ०.५६%
-
म्युचुअल फन्ड: ०.०६%
-
व्यापार: १.७६%
-
अन्य समूह: ०.९१%
ग्रीन डेभलपमेन्ट बैंक लिमिटेड र खानीखोला हाइड्रोपावर कम्पनीका शेयर मूल्यमा आज सबैभन्दा बढी वृद्धि देखिएको छ, जसको वृद्धिदर ९.९९ प्रतिशत रहेको छ।
त्यसैगरी, ‘नौ प्रतिशत आइसिएफसी फाइनान्स लिमिटेड डिबेन्चर–२०८८’ को मूल्यमा सबैभन्दा बढी ३.३१ प्रतिशतले गिरावट आएको छ।
कारोबारको यो वृद्धिदर लगानीकर्ताको भरोसा र बजारको प्रवृत्तिमा सकारात्मक संकेतको रूपमा हेरिएको छ।
