निर्देशक नीराजन प्रधानको निर्देशनमा तयार पारिएको म्युजिक भिडियो ‘माया बस्यो’ सार्वजनिक भएको छ। सुगम पोखरेल र समीक्षा अधिकारीको मिठासपूर्ण स्वरमा सजिएको यो गीतले प्रेममा परेको जोडीको भावनात्मक यात्रा प्रस्तुत गरेको छ।
केकी अधिकारी र राघव दाहालको अभिनय रहेको भिडियोले प्रेमिल क्षणहरूको रमणीय झल्को दिन्छ। गीतको सुरुवात अनुहार देख्ने बित्तिकै बस्ने प्रेमबाट सुरु भएर, सागरभन्दा गहिरो र नदीभन्दा लामो मायाको गहिरो संवेदना सम्म पुर्याउँछ।
‘माया’ बाट निर्देशित दृश्य, भावनाले बोलेको गीत
गीतको शब्द सरगम घतानले लेखेकी हुन् भने, सङ्गीत र एरेन्ज योगेशकाजी शाहको रहेको छ। पाश्र्व सङ्गीतको अनुभूति दिने यो गीतमा आधुनिक प्रेमका रङहरू घोलिएका छन्। मिक्सिङ र मास्टरिङको काम मनोज परियारले गरेका छन्, जसले गीतको ध्वनिमा गहिरो प्रभाव ल्याएको छ।
भिडियोको सम्पादन र रङ संयोजन प्रवीन श्रेष्ठले गरेका छन् भने नृत्य निर्देशन रोशन विश्वकर्माको छ। भिडियोले दर्शकलाई न केवल दृश्य सौन्दर्यमा, तर भावना र सम्बन्धको गहिराइमा पनि पुर्याउन सफल देखिन्छ।
यो गीत समकालीन नेपाली म्युजिक भिडियोमा उत्कृष्ट संयोजन, अभिनय र भावनाको समिश्रणका रूपमा प्रस्तुत भएको छ।
