नेपाल स्टक एक्सचेन्ज (नेप्से) परिसूचक आजको कारोबारमा २.४० अंकले वृद्धि भई २७०६.३६ विन्दुमा बन्द भएको छ। सूचक सामान्य अंकले बढे पनि केही कम्पनीको सेयरमा उल्लेखनीय कारोबार देखिएको छ।
आज कुल ३१८ स्क्रिप्टको २ करोड ७१ लाख ३२ हजार ३०८ कित्ता सेयर खरिद–बिक्री भई ९ अर्ब ५० करोड रुपैयाँभन्दा बढीको कारोबार भएको हो।
आजको मुख्य आकर्षण नेपाल फाइनान्स को सेयर हो, जसले १० प्रतिशतको सर्किट लेभल हासिल गर्दै उच्चतम वृद्धि देखाएको हो। कुल ८७ कम्पनीको मूल्य बढ्दा १६२ कम्पनीको सेयर घटेको छ।
कारोबार रकमका आधारमा शीर्ष ५ कम्पनी:
- नेपाल रिइन्स्योरेन्स – रु ४९.४० करोड
- लक्ष्मी सनराइज बैंक – रु ३७ करोड
- हिमालयन रिइन्स्योरेन्स – रु ३४ करोड
- गार्डियन माइक्रो लाइफ इन्स्योरेन्स – रु ३२ करोड
- एनआरएन इन्फ्रास्टक्चर एण्ड डेभलपमेन्ट – रु २८ करोड
आजको कारोबारमा ७ वटा उपसमूहको सूचक वृद्धि भएको छ। सबैभन्दा उल्लेखनीय वृद्धि अर्दश समूह मा देखिएको छ, जसले ३.०६ प्रतिशत को वृद्धि दर कायम राख्यो। अन्य समूहमा सामान्य घटबढ देखिए पनि समग्र बजारमा स्थायित्व देखिएको विश्लेषकहरूले बताएका छन्।
आजको नेप्से बजारले समग्र रूपमा सन्तुलित कारोबार देखाएको छ। केही वित्तीय संस्थाको सेयरमा सकारात्मक लहर आउँदा लगानीकर्ताको मनोबलमा सामान्य सुधार देखिएको छ। नेपाल फाइनान्स र रिइन्स्योरेन्स कम्पनीहरूको लयले निकट भविष्यमा बीमा तथा वित्तीय क्षेत्रको गति निर्धारण गर्ने अनुमान गरिएको छ।
