राष्ट्रपति रामचन्द्र पौडेलले आर्थिक वर्ष २०८२/८३ का लागि संसद्बाट पारित तीनवटा महत्वपूर्ण अर्थसम्बन्धी विधेयकहरू प्रमाणीकरण गर्नुभएको छ।
नेपालको संविधानको धारा ११३ को उपधारा २ बमोजिम गरिएको प्रमाणीकरणको जानकारी राष्ट्रपति कार्यालय शीतल निवासकी प्रवक्ता शैलजा रेग्मी भट्टराईले विज्ञप्तिमार्फत दिनुभएको हो।
राष्ट्रपतिबाट प्रमाणीकरण गरिएका विधेयकहरू यसप्रकार छन्:
-
संघीय सञ्चित कोषबाट खर्च गर्ने व्यवस्था सम्बन्धी विनियोजन विधेयक
-
नेपाल सरकारको आर्थिक प्रस्ताव कार्यान्वयनसम्बन्धी विधेयक
-
राष्ट्र ऋण उठाउने अधिकारको व्यवस्था गर्ने विधेयक
यी विधेयकहरूको प्रमाणीकरणसँगै बजेट कार्यान्वयन, सरकारी खर्च, र ऋण व्यवस्थापन अब कानुनी रूपमै अघि बढ्न सक्नेछ।
संसदबाट पारित भएपछि राष्ट्रपतिले विधेयक प्रमाणीकरण गर्नु संविधानतः आवश्यक प्रक्रिया हो। यो कार्यले देशको सार्वजनिक वित्तीय प्रणालीको औपचारिक सञ्चालनलाई गति दिने अपेक्षा गरिएको छ।
