spot_img
Tuesday, May 18, 2021
spot_img
spot_img

ट्रेन्डिङ :

वर्षमान पुनको खुलासा : केही दिनमा ओलीविरुद्ध अविश्वासको प्रस्ताव आउँछ

spot_img
spot_img
spot_img
spot_img

नेकपा माओवादी केन्द्रका स्थायी समिति सदस्य एवं पूर्वमन्त्री वर्षमान पुनले प्रधानमन्त्री केपी ओलीलाई तत्काल राजीनामा दिन सुझाव दिएका छन् । रोल्पाको सुली चौरमा आयोजित कार्यक्रमलाई बुधबार सम्वोधन गर्दै नेता पुनले भने ‘अलिकति नैतिकता छ भने राजीनामा दिनुस्, तपाईंका अहिलेका कमजोरी र आलोचना रातारात पखालिन्छन्, तपाईंको व्यक्तित्व अग्लिनेछ ।’

सुलिचौरमा आयोजित प्रथम सुनिल स्मृति गाउँपालिका अध्यक्ष कप खेलकुद प्रतियोगिताको उद्घाटन गर्दै रोल्पाका जनप्रतिनिधिसमेत रहेका पुनले प्रधानमन्त्री ओलीले राजीनामा नदिए हटाइने बताए । उनले भने, ‘यसरी देश चल्दैन, केही दिनपछि ओलीजी हटाइनुभयो, अविश्वासको प्रस्ताव पेश भयो र नयाँ गठवन्धन बन्यो भनेर सुन्न पाउनुहुनेछ ।’
प्रधानमन्त्री ओलीले नेकपाले घोषणा गरेको जस्तो विकासको सपना पूरा गर्न नसकेको पुनले बताए । ‘उहाँले पानीजहाज कार्यालय उद्घाटन गरेर टिकट काट्न तयार हुनुस् भन्नुभयो’ पुनले भने, ‘तर, कुसुन्तीमा अहिले पानीजहाजको कार्यालयमा माकुराले जालो लगाएको छ ।’

माओवादी नेता पुनले लुम्बिनी प्रदेशका मुख्यमन्त्री शंकर पोख्रेल र गण्डकी प्रदेशका मुख्यमन्त्री पृथ्वीसुब्बा गुरुङलाई पनि हटाउने चेतावनी दिए । उनीहरुले प्रदेशको स्वायत्तता बचाउने भन्दा पनि प्रधानमन्त्रीको अलोकतान्त्रिक कदम र असंवैधानिक कदमलाई समर्थन गरेको नेता पुनको आरोप छ । प्रधानमन्त्रीले प्रदेश विघटन गर्छु भन्दा पनि मुख्यमन्त्री पोख्रेल र गुरुङले सुनेर बसेको पुनले टिप्पणी गरे ।

spot_img
spot_img
spot_img

Leave a Reply

- Advertisment -spot_img

ताजा समाचार

spot_img
spot_img

हेर्न छुटाउनु भएको हो कि?

spot_img
%d bloggers like this: