कैलाली- कोरोना भाइरस संक्रमणबाट कैलालीमा थप ४ जनाको मृत्यु भएको छ। कैलालीका ३ र कञ्चनपुरका १ जनाको उपचारको क्रममा धनगढीमा मृत्यु भएको जिल्ला प्रशासन कार्यालय कैलालीका सूचना अधिकारी शिवराज जोशीले बताए ।
उनका अनुसार धनगढी उपमहानगरपालिका-२ का ७२ वर्षीय पुरुष र ८ का ५८ वर्षीय पुरुषको मृत्यु भएको छ । उनीहरुकाे उपचारका क्रममा हिजाे साँझ मृत्यु भएकाे हाे ।
कैलालीको गौरीगङ्गा नगरपालिका-१ का ३५ वर्षीय पुरुषको पनि हिजाे राति सवा आठ बजे मृत्यु भएको उनले बताए । कञ्चनपुरको शुक्लाफाँटा नगरपालिका वडा नम्बर १ का ३५ वर्षीय पुरुषको भने आज बिहान सवा ४ बजे मृत्यु भएको सूचना अधिकारी जोशीले जानकारी दिए ।
