काठमाडौं । इङलिश प्रिमियर लिग अन्तर्गत टोटनह्यामले वेस्ट ह्याम युनाइटेडलाई पराजित गरेको छ । शनिबार सम्पन्न खेलमा टोटनह्यामले वेस्ट ह्यामलाई ४-१ गोल अन्तरले पराजित गरेको हो ।
टोटनह्यामको जितमा डेजान कुलुसेभ्सकी, येभ्स बिसोउमा, सन हेंग मिनले एक एक गोल गरेका थिए भने एक गोल वेस्ट ह्यामका अल्फोनसे एरेओलाले गरेका थिए । त्यस्तै वेस्ट ह्यामका लागि एक गोल मोहमद कुदुसले गरेका थिए । कुदुस खेलको ८६औँ मिनेटमा रातो कार्ड खादै मैदान बाहिर गएपछि वेस्ट ह्याम १० खेलाडीमा सिमित भएको थियो ।
यो जितपछि टोटनह्यामको ८ खेलमा १३ अंक भएको छ र लिगमा छैटौं स्थानमा छ । त्यस्तै वेस्ट ह्यामको भने ८ खेलमा ८ अंक रहेको छ र लिगमा १४औं स्थानमा छ ।
