काठमाडौँ । नेपाल प्रिमियर लिग (एनपीएल) मा सुदूरपश्चिम रोयल्सले न्यूजील्याण्डका बलिङ अलराउन्डर स्कट कुगलाइनलाई भित्र्याएको छ । ३२ बर्षिय कुगलाइनलाई एनपीएलका लागि भित्र्याएको सुदूरपश्चिमले जानकारी दिएको छ ।
सुदूरपश्चिमले भित्र्याएका कुगलाइन तेस्रो विदेशी खेलाडी हुन् । यसअघि सुदूरपश्चिमले स्कटल्याण्डका ब्याटिंग अल राउण्डर ब्राण्डन म्याकुलेन र पाकिस्तानका ब्याटिंग अलराउण्डर सैफ जैब अनुबन्ध गरेको थियो ।
सुदूरपश्चिमको मार्की खेलाडीमा राष्ट्रिय टिमका दिपेन्द्र सिंह ऐरी रहेका छन् ।
आगामी मङ्सिर १५ देखि पुस ६ सम्म आयोजना हुने एनपीएलमा विदेशी खेलाडी भित्र्याउनेक्रम जारी रहेको छ ।
अहिले सम्झौता भएका खेलाडी:
काठमाडौँ गुर्खाज
– नेदरल्याण्डसका ब्याट्सम्यान माइकल लेभिट
-नामिबियाका अलराउन्डर जेरार्ड इरासमस
लुम्बिनी लायन्स
– इङल्याण्डका विकेट किपर ब्याट्सम्यान टम मूरेज
– अस्ट्रेलियाका अलराउण्डर बेन कटिंग
जनकपुर बोल्ट्स
– न्यूजील्याण्डका जिम्मी निशाम
– अमेरिकाका जोसुआ ट्रोम्प
पोखरा एभेन्जर्स
– वेस्ट इन्डिजका बलर एन्डरसन फिलिप,
– नेदरल्याण्डसका ब्याट्सम्यान बास डि लिडे
– अमेरिकाका विकेटकिपर ब्याट्सम्यान आन्द्रेस गौस
सुदूरपश्चिम रोयल्स
-स्कटल्याण्डका ब्याटिंग अल राउण्डर ब्राण्डन म्याकुलेन
– पाकिस्तानका ब्याटिंग अलराउण्डर सैफ जैब
-न्यूजील्याण्डका स्कट कुगलाइन
बिराटनगर किंग्स
– ओमानका कप्तान आकिब इलियास
– क्यानडाका लराउण्डर निकोलस किर्टोन
कर्णाली याक्स
– पाकिस्तानका अल राउण्डर हुसैन टलात
– हङकङका बाबर हायात
चितवन राइनोज
– दक्षिण अफ्रिकाका बलर मार्चेन्ट डी लान्ज
– इङल्याण्डका लुक बेनकेनस्टिन
