काठमाडौं- नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले कोरोना महामारीबाट बच्नका लागि स्वास्थ्य सुरक्षाका सम्पूर्ण मापदण्डको पालना गर्दै चाडपर्व मनाउन अपिल गरेका छन् । शुक्रवार एक शुभकामना सन्देश जारी गर्दै अध्यक्ष प्रचण्डले दशैं, तिहार तथा छठ पर्वका लागि शुभकामना व्यक्त गर्दै सुरक्षाका मापदण्डको पालना गर्दै चाडपर्व मनाउन अपिल गरेका हुन् ।
उनले कोरोनाका कारण अहिले चाडपर्व मनाउने अवस्था नभएको भन्दै उनले संयमित हुनुपर्ने सन्देशमा बताएका छन् । अध्यक्ष प्रचण्डले नेपाली समुदायले मनाउने विभिन्न चाडपर्वले आपसी संहिष्णुता, भातृत्व र भावनात्मक एकता पैदा गर्ने समेत जनाएका छन् ।
