बेइजिङ, २० मंसीर । चिनियाँ भाषाकी प्रसिद्द लेखिका चिउङ याओले आत्महत्या गरेकी छिन् ।
विश्वको सबैभन्दा लोकप्रिय चिनियाँ भाषा रोमान्स उपन्यासकार याओले आत्महत्या गरेकी हुन ।
८६ वर्षीयाको लेखिकाको शव बुधबार न्यू ताइपे शहरमा रहेको उनको घरमा फेला परेको स्थानीय सञ्चारमाध्यमले जनाएका छन् । ताइवानको केन्द्रीय समाचार एजेन्सीका अनुसार आकस्मिक सेवाहरूले उनले आत्महत्या गरेको जनाएका छन् ।
चिउङ याओले १८ वर्षको उमेरमा लेख्न थालेकी थिइन र उनले ६० भन्दा बढी उपन्यासहरू प्रकाशित गरेकी थिइन् । जसमध्ये धेरैलाई चलचित्र र टिभी ङ्खलाहरूमा रूपान्तरण गरिएको थियो भने तीनीहरू दशकौंसम्म लोकप्रिय रहन पुगे । उनी एक सफल पटकथा लेखक र निर्माता पनि थिइन्। उनको सबैभन्दा प्रसिद्ध कामहरू मध्ये एक टिभी नाटक ‘माई फेयर प्रिन्सेस’ थियो, जसले ठूला नामका ताराहरूको क्यारियर सुरु गर्यो।
उनी सन् १९३८ मा चीनको सिचुआनमा चेन चेको जन्म भएको थियो। चिउङ याओ उनको उपनाम हो।
बुधवार उनको फेसबुक खातामा लेखिएको थियो, ‘अलविदा, मेरा प्रियजनहरू। म भाग्यशाली महसुस गर्छु कि मैले तपाईंलाई यो जीवनमा भेटें र चिनेको छु।’ यो पोस्ट उनको शव फेला पर्नु अघि वा पछि प्रकाशित गरिएको थियो भन्ने कुनै जानकारी छैन। चिउङ याओले युवाहरूलाई ‘जिन्दगीबाट सजिलै हार नमान्न र तिमी ८६ वा ८७ वर्षसम्म बाँच्दा मात्र मृत्युको सामना गर्नु’ भन्ने सन्देश छाडेकी छिन । उनले आफ्ना अनुयायीहरूलाई आफ्नो लागि दुःखी नहुन आग्रहसमेत गरेकी छिन् । पछिल्लो समय उनी सक्रिय थिइनन ।
यद्यपि, सन २०१७ मा उनी आफ्ना सौतेनी छोराछोरीसँगको विवादपछि उनको बिरामी श्रीमानको हेरचाह कसरी गर्ने भन्ने विषयमा विवाद भएपछि उनी हेडलाइन बनेकी थिइन्। चिउङ याओले आफ्नो बाल्यकालको केही समय मुख्य भूमि चीनमा बिताइन किनभने उनको परिवार चीन–जापानी युद्धको समयमा देशभरी सरेको अवस्था थियो। चिनियाँ कम्युनिष्ट पार्टीले मुख्य भूमिको नियन्त्रण लिएपछि सन् १९४९ मा परिवार ताइवान सरेको थियो।
