ढाका, २३ पुस । बगंलादेश नेशनल पार्टीका अध्यक्ष खालिदा जिया मंगलबार राति १० बजे लण्डन प्रस्थान गर्ने भएकी छन् ।
कतारका अमिर तमिम बिन हमाद अल थानीले उपलब्ध गराएको एयर एम्बुलेन्समार्फत उनी उपचारका लागि लन्डन प्रस्थान गर्न लागेकी हुन । जसका लागि कतारले पठाएको एयर एम्बुलेन्स सोमबार साँझ ढाका आइसकेको छ ।
सोमबार गुलसनस्थित बिएनपी अध्यक्षको कार्यालयमा आयोजित पत्रकार सम्मेलनमा बिएनपी स्थायी समिति सदस्य तथा खालिदा जियाका निजी चिकित्सक डा. एजेडएम जाहिद हुसेनले सो जानकारी दिएका हुन् ।
डा. जाहिद हुसेनले लण्डन एयरपोर्टबाट खालिदा जियालाई सिधै अस्पताल लगिने बताए । चिकित्सक टोलीसँग प्रारम्भिक परामर्श पछि उनको उपचारको लागि आगामी चरणहरू तय गरिनेछ।
उनले भने, ‘लन्डन पुगेपछि उनलाई बीएनपीका कार्यवाहक अध्यक्ष र उनका छोरा तारिक रहमान, बुहारी जुबैदा रहमानले स्वागत गर्नेछन्। उनीहरूले उनलाई लन्डनको पुरानो र प्रतिष्ठित स्वास्थ्य सेवा सुविधा सम्पन्न अस्पतालमा लैजानेछन्, जहाँ उनलाई भर्ना गरिनेछ।’ जहाँ ण्त्यहाँका डाक्टरहरूले उनको अर्को चरणको उपचारका लागि परीक्षण गर्नेछन् र सिफारिसहरू दिनेछन्।
डा. जाहिद हुसेनले पनि खालिदा जियाको यात्रामा मेडिकल बोर्डका छ जना डाक्टर र अन्य अधिकारीहरु साथमा आउने बताए ।
