काठमाडौं : कात्तिक २५, आज मुलुकमा थप २ हजार ७ सय ३६ जनामा कोरोना भाइरस कोभिड १९ संक्रमणको पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशका बिभिन्न भागमा २ हजार ७ सय ३६ संक्रमित थपिएसंंगै नेपालमा संक्रमितको कुल संख्या १ लाख ९९ हजार ७ सय ६० पुगेको छ । भने काठमाडौं उपत्यकामा मात्रै १ हजार ४ सय २० संक्रमित फेला परेका छन् । जसमा ६ सय ३ महिला र पुरुष ८ सय १७ रहेका छन् ।
योसंगै काठमाडौ उपत्यकामा संक्रमितको कुल संख्या ९३ हजार ७ सय ७५ पुगेको छ । काठमाडौंमा ७४ हजार ३ सय ४४ जना, ललितपुरमा १० हजार ५ सय ४७ , भक्तपुरमा ८ हजार ८ सय ८४ जना संक्रमित पुगेका छन् । काठमाडौंमा होम आइसोलेसनमा रहनेको संख्या ११ हजार ३ सय ९३ ,ललितपुरमा १ हजार ८ सय ३१ र भक्तपुरमा १ हजार ८ सय १४ रहेको छ ।
