काठमाडौँ- उच्चस्तरीय कोभिड सङ्कट व्यवस्थापन केन्द्र(सीसीएमसी)को शुक्रवार बसेको बैठकले निषेधाज्ञालाई थप कडा गर्दै मन्त्रालय, विभाग र कार्यालयले चलाउने सवारीमा नियन्त्रण गर्ने निर्णय गरेको हो । सरकारी कार्यालयले चलाउने सवारी साधनको कोटा पनि तोकिएको छ ।
सीसीएमसीको शुक्रवार बसेको बैठक अनुसार मन्त्रालयले १०, विभागले ५ र अन्य कार्यालयले सचिव र सहसचिवबाहेक ३ वटा मात्रै सवारी चलाउन पाउनेछन् । सरकारी कार्यालयहरू नै अब एक तिहाइ कर्मचारीबाट सञ्चालन गरिने भएका छन् ।
