एजेन्सी । सीआईएका निर्देशक विलियम बर्न्सले काबुलमा तालिबान नेता अब्दुल गनी बरादारसँग भेट गरेको खुलासा भएको छ । तालिबानलाई सफाया गर्न अफगानिस्तान पसेको अमेरिका तालिबानसँग पराजीत भएर घर फर्किएपछि तालिबानका नेताहरुसँग वार्ता गर्न काबुल पुगेको वासिंगटन पोस्ट र एसोसिएटेड प्रेसले जनाएका छन् ।
पेन्टागनका अनुसार अफगानिस्तानबाट विगत २४ घण्टामा करिब १६ हजार मानिसहरुलाई निकाला गरिएको छ । अमेरिकी सेनाले पश्चिमी सेनाहरुलाई देश छोड्न तालिबानको समयसीमा भन्दा पहिले हजारौंलाई एयरलिफ्ट गर्ने बढ्दो हतास प्रयासको नेतृत्व गरेको छ। अमेरिकी राष्ट्रपति जो बिडेन अमेरिकी सेना फिर्ता गर्ने अगस्ट ३१ को समयसीमा बढाउन दबाबमा छन्, बेलायतले मंगलबार भर्चुअल जी ७ शिखर सम्मेलनमा त्यसका लागि लबिङ गर्ने अपेक्षा गरिएको छ।
