नेकपा एकीकृत समाजवादीका वरिष्ठ नेता तथा पूर्व प्रधानमन्त्री झलनाथ खनाललाई भेट्न प्रधानमन्त्री शेरबहादुर देउवा निवासमै पुगेका छन् ।
भारतको नयाँदिल्लीमा उपचार गराएर हालै स्वदेश फर्किएका खनाललाई भेट्न देउवा निवासमै पुगेका हुन् । खनालसँगको भेटबारे फेसबूकमार्फत जानकारी दिँदै प्रधानमन्त्री देउवाले खनालको स्वास्थ्य निकै सुधार भएको जनाएका छन् ।
देउवाले लेखेका छन्, ‘पूर्व प्रधानमन्त्री एवं नेकपा (एकीकृत समाजवादी) का वरिष्ठ नेता झलनाथ खनालजीको निवास पुगेर उहाँको स्वास्थ्य अवस्थाको बारेमा जानकारी लिए । उहाँको स्वास्थ्यमा निकै सुधार भएको रहेछ । झलनाथजीको पूर्ण स्वास्थ्य लाभको कामना गर्दछु ।’
