वर्षासँगै आएको हावाहुरीले बैतडीको गोकुलेश्वर बजारका पसलहरूमा क्षति पुर्याएको छ । शनिबार दिउँसो वर्षासँगै आएको हावाहुरीले गोकुलेश्वर पुल चोक नजिक रहेका चारओटा पसलको छाना उडाएको हो ।
छाना उडाएपछि पसल भित्र रहेका सामानमा क्षति पुगेको स्थानीय व्यापारी सुरेश श्रेष्ठले बताए ।
हावाहुरीले हरिश जोशी, मञ्जु टेलर, रमेश नाथ र नवीन नाथको पसलको जस्तापाताले छाएको छानो उडाएको हो ।
दिउँसोको समयमा एक्कासि पानीसँगै आएको हावाहुरीले छानो उडाएपछि पानीले भिजेका सामग्रीहरूलाई त्रिपालले जोगाउने प्रयास गरेको व्यापारीहरूले बताएका छन् । हावाहुरीले छानो उडाएपछि व्यापारीहरूलाई सामग्री जोगाउन मुस्किल भएको गोकुलेश्वर प्रहरी चौकीले जनाएको छ ।
