डेढ दशकअघिको लोकप्रिय गीत ‘पानी मिठो मेरो हजुर इलाम बजारको’को भिडियो सार्वजनिक भएको छ । सञ्जिवनी भेलाण्डेको स्वर रहेको गीतमा निलम आङबुहाङ राईको शब्द, सुरेश अधिकारीको संगीत र अमुल कार्कीको एरेञ्ज छ ।
इलामे गीतकार निलमले गीतमा आफ्नो जन्मस्थानको सुरम्य प्राकृतिक छटा र सौन्दर्यलाई बयान गरेकी छन् । यो गीत गीतकार निलमको एलबम ‘जुनी जुनी’मा समावेश छ । गीतको भिडियोमा सञ्जिवनी नै फिचर्ड छिन् ।
गायिका सञ्जिवनीले यो गीत आफूलाई मनपर्ने भएकाले डेढ दशकपछि नयाँ भर्सनमा ल्याएको बताइन् । सार्वजनिक भिडियोको गीतमा चिराग पान्चालको फरक शैलीको संगीत संयोजन छ । भिडियोका निर्देशक मीत घई हुन् ।
भिडियो निलम क्रिएसन युट्युब च्यानलबाट सार्वजनिक भएको छ ।
