काठमाडौं, २४ मंसिर
साझा उम्मेदवार तय गर्न दबाब दिँदै इतर पक्षको बैठक भइरहेको अनुपम फुड ल्याण्डमा कार्यकर्ताले नाराबाजी गरेका छन् ।
शुक्रबार महाधिवेशनको उद्घाटन सत्र सकिएसँगै कांग्रेसको संस्थापन इतरपक्ष यतिबेला वत्तिसपुतलीस्थित अनुपम फुडल्याण्डमा बैठक बसिरहेको छ।
बैठक जारी रहे पनि नेताहरुबीच सहमति हुन नसकेको भन्दै इतर पक्षका महाधिवेशन प्रतिनिधिहरुले साझा उम्मेदवारका लागि दबाब दिँदै नाराबाजी गरेका हुन् ।
इतर पक्षबाट शशांक कोइरालाले आफू प्रतिस्पर्धाबाट बाहिरिएको र तीन जनाबीच सहमति हुन नसकेको बताएका छन् । उनले शेखर कोइराला र प्रकाशमान सिंहले रामचन्द्र पौडेललाई साझा उम्मेदवार बनाएर अघि बढ्नुपर्ने बताएका छन् ।
