पछिल्लो २४ घण्टामा देशभर थप ५ हजार ५८३ जनामा कोरोना संक्रमण पुष्टि भएको छ । सोही समयमा थप ९ जनाले ज्यान गुमाएका छन् ।
स्वास्थ्य मन्त्रालयका अनुसार १० हजार ७७६ जनाको पिसिआर परीक्षण गर्दा ३ हजार ६५७ जना र ६ हजार ८९८ जनाको एन्टीजेन परीक्षण गर्दा १ हजार ९२६ जना गरी कूल ५ हजार ५८३ जनामा कोरोना संक्रमण पुष्टि भएको हो ।
आज थपिएकासँगै देशभर सक्रिय संक्रमितको संख्या ७४ हजार ६५३ पुगेको मन्त्रालयले जनाएको छ ।
मंगलबार थपिएसँगै नेपालमा कोरोना संक्रमितको कूल संख्या १० लाख ८८ हजार २५१ पुगेको छ । यस्तै नेपाल मृत्यु हुनेको संख्या ११ हजार ७५२ पुगेको छ । हालसम्म ८ लाख ७१ हजार १६५ जनाले संक्रमण जितेका छन् ।
