काठमाडौं । भारतमा जारी आइसिसी एक दिवसीय विश्वकप क्रिकेटअन्तर्गत आइतबार भारत र अष्ट्रेलियाबीचको ४९.३ ओभर अलआउट भएको अष्ट्रेलियाले भारतलाई २ सय रनको मध्यम लक्ष्य दिएको छ। अष्ट्रेलियाका लागि स्टेभन स्मिथ सर्वाधिक ४६ रन बनाए। डेभिड वार्नरले ४१, मिचेल स्टार्कले २८, मार्नस लाभुसचानेले २७ र ग्लेन म्याक्सवेल र प्याट कमिन्सले समान १५ रनको योगदान गरे।
बलिङतर्फ भारतका रवीन्द्र जडेजाले सर्वाधिक तीन विकेट लिए। जसप्रित बुमराह र कुलदीप यादवले समान २/२ विकेट लिँदा मोहम्मद सिराज, हार्दिक पाण्ड्या र रवीचन्द्रन आश्विनले १/१ विकेट हात पारे। अब केहीबेरमै भारतले जवाफी ब्याटिङ गर्ने छ। जारी विश्वकपमा भारत र अष्ट्रेलिया दुबैको यो पहिलो खेल हो । यता भारतले पनि जबाफी ब्याटिङमा उत्रिदा दुई रनमै तीन विकेट गुमाएको छ । भारतका ओपनर इसान किसन, रोहित शर्मा र मध्यमक्रमका बल्लेबाज श्रेस एयर भारतको दुई रनको स्थितिमा आउट भए । अहिले विराट कोली र केएल राहुलले खेलिरहेका छन् ।
