रौतहट । रौतहट स्थित प्रहरी गस्ती टोलीले ४ थान भारतीय नम्बरको मोटरसाइकल सहित २२ बोरा अबैध भारतीय मल खाद बरामद गरेको छ।
जिल्ला प्रहरी कार्यालय र ईलाका प्रहरी कार्यालय कटहरीयाबाट खटिएको गस्ती टोलीले कटहरीया नगरपालिका ९ स्थित भन्सार छली ल्याएको युरिया मलखाद २२ बोरा सहित ४ थान मोटरसाइकल बरामद गरेको हो।
विआर ३० एम ०८९६, विआर ०६ सिबी ३३५६ र विआर ०५ ए क्यू ८६०५ र विआर ३० डब्लु ७९७१ नम्बरको मोटरसाइकलमा लोडगरी लैजादै गरेको अवस्थामा प्रहरी टोलीलाई देखि लोड मोटरसाईकल छाडी मानिस फरार भएको जिल्ला प्रहरी प्रवक्ता डिएस्पी एलिजा गिरीले बताएकी छिन्।
४ थान मोटरसाइकल र मलखाद २२ बोरा गरी कुल ४ लाख १८ हजार,७०० रुपैया मूल्याङ्कन गरी आवश्यक कारवाहीको लागी गौर भंसार कार्यालयमा दाखिला गरिएको जिल्ला प्रहरी कार्यालय रौतहटको सूचनामा उल्लेख गरिएको छ।
