विशाल बस्नेत/ न्युज कारखाना
दशैंमा सर्वसुलभ र सस्तो बजारको खोजी भैइरहेको वेला महोत्तरीको बर्दिवासमा दशै सस्तो बजारको आयोजना गरिएको छ । दशैलाई चाहिने सामानहरु एकै ठाउँमा पाइनेगरी १६ असोजदेखि २५ असोजसम्म उधोग बाणिज्य संघ बर्दिवासले सस्तो बजारको आयोजना गरेको हो ।
उपभोक्ता र व्यापारीहरु विचको सम्बन्ध समधुर वनाउने उदेश्यले चाडपर्व लक्षित गर्दै सस्तो बजार लगाईएको उधोग बाणिज्य संघ बर्दिवासका अध्यक्ष बिष्णु खडकाले वताए । बर्दिवास शहरको औरही- जलेश्वर सडकखण्ड नजिकै लगाइने सस्तो बजारमा ६० देखि ६५ वटा स्टल राखिने आयोजक पक्षले जनाएको छ ।
`होलसेल र सस्तो मुल्यमा राखिने सामानको गुणस्तरीयतामा पनि उत्तिकै ध्यान दिईनेछ ।´ संघका माहासचिव उत्तम श्रेष्ठले भने ।`नापतौलको लागि हामिले उपसमिति नै वनाईसकेका छौ ।´ नापतौल तथा अनुगमन समितिका संयोजक शैलेश दाहालले उपभोक्ताहरुलाई कुनै गुनासो आउने ठाउँ नराख्ने प्रतिवद्वता जनाएका छन ।
सस्तो सामानको खोजीमा सिमाना नजिकै रहेका भारतिय बजार सम्सी र मधुवनी पुग्ने स्थानिय उपभोक्ताहरुको यो बजार त्याहा जान रोक्ने बिश्वास लिईएको छ । सस्तो बजारमा खाध्यान्न देखि लत्ताकपडा तथा सम्पुर्ण घरायसी सामान एकै ठाउँमा पाईने व्यवस्था मिलाईएको छ । दशै लक्षित गर्दै खसी, बाख्रा समेत उक्त बजारमा उपलब्ध रहने आयोजक पक्षले जनाएको छ ।
