नेपालमा हालै आएको विनाशकारी बाढी र पहिरोको प्रतिक्रियास्वरूप टिकटकले प्रयोगकर्ताहरूलाई समयमै सही सूचनाको पहुँच सुनिश्चित गर्न इन–एप फिचर सुरु गरेको छ।
टिकटकले अब नेपाली र अंग्रेजी दुवै भाषामा बाढी–सम्बन्धित किवर्डहरू खोज्ने प्रयोगकर्ताहरूलाई नेपाल सरकारको गृह मन्त्रालय अन्तर्गतको राष्ट्रिय विपद् जोखिम न्यूनीकरण तथा व्यवस्थापन प्राधिकरण (NDRRMA) को आधिकारिक वेबसाइटमा निर्देशित गर्ने जनाइएको छ।
यसबाहेक व्यक्तिगत र सामुदायिक सुरक्षाको बारेमा थप जानकारी र सुझावहरूका लागि, प्रयोगकर्ताहरूले “दुःखद सुरक्षा केन्द्र ” (Tragic safety center ) मार्फत जान सक्छन्। त्यस्ता इन–एप पहलहरूले प्रयोगकर्ताहरूले प्रत्यक्ष रूपमा विश्वसनीय स्रोतहरूबाट प्रमाणित अपडेटहरु र निर्देशनहरू प्राप्त गरी, प्राकृतिक प्रकोपको समयमा सुरक्षा सुनिश्चित गर्दछ।
विशेषत:आपतकालीन अवस्थामा, भ्रम वा सम्भावित खतरा निम्त्याउन सक्ने गलत सूचनाको प्रसारलाई न्यूनीकरण गरेर टिकटकले आफ्ना प्रयोगकर्ताहरूको सुरक्षालाई प्राथमिकता दिन प्रतिबद्ध रहेको जनाएको छ।
NDRRMA को आधिकारिक जानकारीमा बाढी जस्ता प्राकृतिक प्रकोपहरू बारे खोजीहरू सहजीकरण गरेर टिकटकले प्रयोगकर्ताहरूलाई विशेष गरी नेपालको बाढी–प्रवण क्षेत्रहरूमा संकटको समयमा र पछि सूचित निर्णयहरू गर्ने कुरा सुनिश्चित गर्दछ।
टिकटकले जागरूकता र जीवन बचाउने जानकारी आदान प्रदान गरेर महत्वपूर्ण क्षणहरू नेभिगेट गर्ने प्रभावकारी विधिको रूपमा स्थानीय अधिकारीहरूसँग साझेदारीलाई जोड दिन्छ।
टिकटकको बाढी हस्तक्षेपले सरकारलाई विपद् जोखिम र तयारी रणनीतिहरू प्रभावकारी रूपमा सञ्चार गर्न मद्दत गर्दै जनताको हितको लागि एक महत्पूर्ण उपकरणको रूपमा रूपमा काम गर्ने दावी गरिएको छ।
यो प्लेटफर्मले प्रायः प्राकृतिक प्रकोपको समयमा सबैभन्दा बढी जोखिममा रहने विशेष गरी दुर्गम क्षेत्रहरूमा रहेका सीमान्तकृत समुदायहरूका लागि विपद् जोखिम न्यूनीकरण प्रयासहरूलाई बलियो बनाउन प्रतिबद्ध रहेको बताइएको छ।
Source : Technology Khabar
