काठमाडौं : पुस १४, लोकसेवा आयोग बागमती प्रदेशले प्राविधिक तहको विज्ञापन स्वास्थ्य सेवा ऐन विपरीत खुलाएको हेल्थ असिस्टेन्ट संघ नेपालले जनाएको छ । प्राविधिक स्वास्थ्य सेवा तर्फको पाँचौ तहको खुला तथा समावेशी तर्फको विज्ञापन न्युनतम शैक्षिक योग्यता कानुनअनुसार नभएको हेल्थ असिस्टेन्ट संघ नेपालले सूचना प्रकाशन गरेर ध्यान आकर्षण गराएको छ ।
आयोगले पुस १३ गते प्रकाशित गरेको विज्ञापनमा प्राविधिक स्वास्थ्य सेवा तर्फको पाँचौ तहको खुला, समावेशीविज्ञापनमा सिअनमी, क.न.र प.हे.न र सिअहेब, हेई समूहको पदका लागि चाहिने न्युनतम शैक्षिक योग्यता कानुनअनुसार नभएको विज्ञप्तीमा उल्लेख गरिएको छ । स्वास्थ्य सेवा तर्फको विज्ञापन गर्दा स्वास्थ्य सेवा ऐन २०५३ र स्वास्थ्य सेवा नियमावली २०५५ मा भएको व्यवस्था अनुसार गर्नुपर्छ ।
स्वास्थ्य सेवा नियमावलीमा पाँचौ तहको खुला तर्फका पदका लागि हेल्थ इन्स्पेक्सन लागि मान्यता प्राप्त शिक्षण संस्थाबाट सामान्य चिकित्सामा प्रमाणपत्र तह उत्तिर्ण गरेको हुनुपर्छ । स्टाफ नर्स, जनरल नर्सिङ कम्युनिटी नर्सिङको लागि नर्सिङ विषयमा प्रमाणपत्र तह उत्तिर्ण गरेको हुनुपर्ने व्यवस्था रहेको संघद्धारा जारी गरिएको सूचनामा उल्लेख गरिएको छ । आयोगले निकालेको विज्ञापनमा शैक्षिक योग्यतामा भएको गल्ती सच्याउन संघले माग गरेको छ ।
