प्रधानमन्त्री तथा नेकपा एमालेका अध्यक्ष केपी शर्मा ओलीले पशुपति चौलागाईको निधनबाट पार्टीले असल र निष्ठावान नेतालाई गुमाउनु परेको बताएका छन् ।
ओलीले बुधवार शोक वक्तव्य जारी गर्दै एमाले केन्द्रीय सदस्य तथा वागमती प्रदेशसभाका सदास्य चौलागाईको निधनप्रति दुःख व्यक्त गरेका छन् । चौलागाईले संविधानसभा सदस्य र प्रतिनिधिसभा सदस्यका रूपमा समर्पित जनप्रतिनिधिको भूमिका निर्वाह गरेको बताएका छन् ।
एमाले नेता चौलागाईको मंगलवार साँझ मनमोहन अस्पतालमा निधन भएको थियो । कोरोना संक्रमित चौलागाईलाई स्वास्थ्यमा समस्या भएपछि अस्पताल लगिएको थियो ।
