काठमाडौं । राष्ट्रपतिले छोटो समय राखेर नयाँ सरकार गठनका लागि आह्वान गरेपछि कांग्रेस सभापति शेरबहादुर देउवा निवासमा जुटेका विपक्षीहरूको छलफल सकिएकोछ । देउवा निवासबाट नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’, एमाले बरिष्ठ नेता माधवकुमार नेपाल लगायत बाहिरिएका छन्।
बुढानीकण्ठको बैठकपछि विपक्षीहरु आ-आफ्नो दलमा आन्तरिक छलफलमा जुट्ने छन् । तीन बजेपछि फेरि विपक्षी दलहरुको संयुक्त बैठक हुने भएको छ। आन्तरिक छलफल सकाएपछि सिंहदरबारस्थित कांग्रेस संसदीय दलको कार्यालयमा विपक्षी दलहरुको बैठक हुने छ। विपक्षी दललले राष्ट्रपतिविरुद्ध महाअभियोग र प्रधानमन्त्रीविरुद्ध अविश्वास प्रस्ताव दर्ता गर्ने तयारी गरिरहेका छन्।
