नेपालमा बिहीबार थप २९९ जनामा कोरोना संक्रमण पुष्टि भएको छ ।
देशभर गरिएको ८ हजार ८६३ पिसिआर परीक्षणका क्रममा २७२ जना र ३ हजार २८८ एन्टिजेन परीक्षणका क्रममा २७ जनामा कोरोना संक्रमण पुष्टि भएको मन्त्रालयले जनाएको छ । नेपालमा हालसम्म कोरोना संक्रमितको संख्या ९ लाख १३ हजार ५५७ पुगेको छ ।
कोरोनाका कारण थप ६ जनाको मृत्यु भएको छ । हालसम्म नेपालमा ११ हजार ४ सय ८९ जनाको कोरोनाका कारण मृत्यु भएको छ ।
बिहीबार थप २६० संक्रमित कोरोनामुक्त हुँदा हालसम्म नेपालमा ७ लाख ९९ हजार १७६ जना निको भएका छन् । हाल नेपालमा ७ हजार ६४२ सक्रिय संक्रमित आइसोलेसन र ९८ जना क्वारेन्टिनमा रहेको मन्त्रालयले जनाएको छ ।
