रुपन्देही । नेकपा एमालेका सचिव गोकर्ण विष्टले गुल्मीको धुर्कोट गाउँपालिका २ पिपलधारामा विभिन्न पार्टी परित्याग गरेका दर्जनौं स्थानीयलाई एमालेमा प्रवेश गराएका छन् ।
विष्टले शनिबार एकीकृत समाजवादीका जिल्ला सचिवालय सदस्य तथा धुर्कोट गाउँपालिका अध्यक्ष बाबुराम खड्कासहितको ठूलो समूहलाई एमालेमा प्रवेश गराएका हुन् ।
उनीसहित कांग्रेस, माओवादी केन्द्र र विवेकशील साझा पार्टीबाट दर्जनौं नेताकार्यकर्ता एमालेमा प्रवेश गरेको एमाले नेता हरि पोखरेलले बताए । पार्टी प्रवेश गर्ने खड्कासहितका अगुवा कार्यकर्तालाई एमाले केन्द्रीय सचिव तथा गुल्मी क्षेत्र नं २ का सांसद गोकर्ण बिष्ट, एमाले जिल्ला इन्चार्ज दिनेश पन्थी र जिल्ला अध्यक्ष बालसिंह काउछासहितका नेता कार्यकर्तालाई एमालेमा स्वागत तथा सम्मान गरेका थिए ।
