दाङ । दाङमा खाडलमा पुरिएको अवस्थामा फेला परेका किशोर किशोरीको अन्त्येष्टि गरिएको छ। उनीहरुको शव पोष्टमार्टमपछि मंगलबार अन्त्येष्टि गरिएको हो। सितलापुरस्थित बबइ नदीको घाटमा दुवै जनाको अन्तिम संस्कार गरिएको पारिवारिक स्रोतले जनाएको छ।
तुलसीपुर उपमहानगरपालिका १३ दमारगाउँको जंगलमा सोही वडाका १५ वर्षीया रोसनी महतरा क्षेत्री र १४ वर्षका सरद आचार्यको शव खाडल खनी पुरिएको अवस्थामा फेला परेको थियो। उनीहरुको शव आज विहान राप्ती प्रादेशिक अस्पतालमा पोष्टमार्टम गरिएको थियो।
पोष्टमार्टम पश्चात शव परिवारलाई बुझाइएको इलाका प्रहरी कार्यालय तुल्सीपुरका डीएसपी पुष्पविक्रम मल्लले जानकारी दिए।पोष्टमार्टमको रिपोर्ट आउन केही दिन लाग्ने बताइएको छ।रोसनी तुल्सीपुर १३ दमारगाउँकै हुन्। दंगीशरण गाउँपालिका वडा नं. ६ थपगाउँ घर भएका सरद तुल्सपुरको दमारगाउँस्थीत मामाघर बस्दै आएका थिए। असोज २७ गतेदेखि बेपत्ता भएपछि अभिभावकले प्रहरीलाई खबर गरेका थिए।
