काठमाडौं । कपिलवस्तुबाट काठमाडौँतर्फ आउँदै गरेको लु १ ज २१२१ नम्बरको बस आज बिहान धादिङको गजुरी गाउँपालिका–५ घाटबेँसीमा दुर्घटनामा परेको छ।
दुर्घटनामा एक महिलासहित चार जनाको घटनास्थलमै मृत्यु भएको छ।
बस पृथ्वीराजमार्गबाट करिब एक सय मिटर तल त्रिशूली नदीमा खसेको जिल्ला प्रहरी कार्यालय धादिङका प्रहरी उपरीक्षक गौतम केसीले जानकारी दिए। केसीका अनुसार दुर्घटनामा ३० जनाभन्दा बढी घाइते भएका छन्।
घटनास्थलमा नेपाल प्रहरी, सशस्त्र प्रहरीबल, नेपाली सेना तथा स्थानीयले उद्धार गरिरहेका छन्। सशस्त्र प्रहरी बल, विपद् व्यवस्थापन तालिम शिक्षालय कुरिनटार चितवनको टोली पनि उद्धारमा आइपुगेका छन्।
