काठमाडौं । इरानले इजरायलमा ड्रोन र क्षेप्यास्त्र प्रयोग गरेर ठूलो मात्रामा आक्रमण गरेको छ। यो सिरियामा रहेको उनको वाणिज्य दूतावासमा भएको आक्रमणपछिको बदला भएको बताइएको छ । इरानको इस्लामिक रिभोलुसन गार्ड कोर्प्स (आईआरजीसी) ले यो हमला विशेष लक्ष्यलाई लक्षित गरी गरिएको बताएको छ। इजरायली सेनाका स्रोतहरूले सयभन्दा बढी ड्रोनहरू छोडेको बताएका छन्। सीबीएस न्यूजका अनुसार अमेरिकाले केही ड्रोन खसालेको छ । इजरायली प्रधानमन्त्रीले आकष्मिक क्याबिनेट बैठक बोलाएका छन् ।
आक्रमण पछि, इजरायलमा साइरनको आवाज सुनिएको छ र जेरुसेलममा ठूलो विस्फोट सुनिएको छ किनभने इजरायलको वायु रक्षा प्रणालीले शहरमा धेरै चीजहरू खसालेको छ। अहिलेसम्म कुनै ड्रोन इजरायल पुगेको छ वा छैन भन्ने स्पष्ट छैन। इरान इजरायलबाट १,८०० किलोमिटर टाढा छ। योसँगै अमेरिकाले ड्रोन कहाँ खसालेको भन्ने पनि बताएको छैन । इजरायल, लेबनान र इराकले आफ्नो हवाई क्षेत्र बन्द गरेका छन् भने सिरिया र जोर्डनले आफ्नो हवाई रक्षा प्रणालीलाई अलर्टमा राखेका छन् । अप्रिल १ मा सिरियाली वाणिज्य दूतावासमा भएको आक्रमणपछि इरानले बदला लिने कुरा गरेको थियो । यस आक्रमणमा एक शीर्ष कमाण्डर सहित सात सैन्य अधिकारी मारिएका थिए ।
